Bharat Chaklasiya - (30 September 2020)આ નવલકથા હું અગિયારમું ભણતો હતો ત્યારે વાંચી હતી.કોલેજમાં આવીને બંને ભાગ મેં વસાવ્યા હતા. લા મીજરેલબ નોવેલ માટે જેટલું લખો એટલું ઓછું પડે..સત્ય,પ્રામાણિકતા, પ્રેમ, વફાદારી,નિર્દયતા,કઠોરતા વગેરે માનવીય ગુણો અવગુણોની ચરમસીમા આ નવલકથામાં જોવા મળે છે.. જિન વાલજી માટે તો શું કહેવું..સમાજમાં ઉચ્ચ હોદ્દા પર પહોંચ્યા પછી પણ એને જ્યારે ખ્યાલ આવે છે કે કોઈ બીજાને જિન વાલજીન સમજીને સજા આપવામાં આવી રહી છે ત્યારે એ બધું છોડીને પોતાનો બ્રેડ અને પાદરીના ઘરમાંથી ચોરેલી દિવીઓ (જો કે પાદરીએ એ દિવીઓ એને આપી દીધી હતી..- એ પાદરીનું સંતપણું પણ જુઓ !) એ તમામ ગુનાઓનો એકરાર કરીને પેલા નિર્દોષને બચાવી લે છે..અને પેલો ઇન્સ્પેકટર..? એની ફરજપરસ્તીની તો શું વાત કરીએ. જેવર્ટ જ ને ? જિન વાલજીનું કામ સત્યના પક્ષે અને પોતાની ફરજ અસત્યના પક્ષે હોવાથી એ એ ફરજ જ ન બજાવવી પડે એટલે પોતાના લમણા માં ગોળી મારી દે છે..આ..હા..હા... કેવા ઉત્કૃષ્ટ પાત્રો છે એ નોવેલમાં... ઓલટાઇમ ગ્રેટનું બિરુદ તમે આપ્યું એ સર્વથા યોગ્ય છે મયુરભાઈ. આજે તમારી આ સમીક્ષા વાંચીને ફરીવાર એ સ્ટોરી વાંચવાનું મન થઇ ગયું..પણ મારો કોઈ મિત્ર એ નોવેલ મને પછી પાછી આપી ન ગયો...(ગધા કહીં કા..😊😊😊)
વલસાડના રહેવાસી મયૂર પટેલ મૂળે તો સિવિલ એન્જિનિયરિંગ ભણ્યા છે, પણ સાહિત્યપ્રીતિને લીધે તેઓ બાળપણથી જ સાતત્યપૂર્ણ વાંચન-લેખન સાથે સંકળાયેલા રહ્યા છે. તેમની પહેલી અંગ્રેજી નવલકથા ‘વિવેક એન્ડ આઇ’ ૨૦૧૦માં પેંગ્વિન બૂક્સ ઇન્ડિયા દ્વારા પ્રકાશિત થઈ હતી, જે ડાંગના જંગલોમાં આકાર લેતી...More
વલસાડના રહેવાસી મયૂર પટેલ મૂળે તો સિવિલ એન્જિનિયરિંગ ભણ્યા છે, પણ સાહિત્યપ્રીતિને લીધે તેઓ બાળપણથી જ સાતત્યપૂર્ણ વાંચન-લેખન સાથે સંકળાયેલા રહ્યા છે. તેમની પહેલી અંગ્રેજી નવલકથા ‘વિવેક એન્ડ આઇ’ ૨૦૧૦માં પેંગ્વિન બૂક્સ ઇન્ડિયા દ્વારા પ્રકાશિત થઈ હતી, જે ડાંગના જંગલોમાં આકાર લેતી પ્રેમકથા છે. ૨૦૧૬માં પ્રકાશિત થયેલી તેમની બીજી અંગ્રેજી નવલકથા ‘સ્કાર્લેટ નાઇટ્સ’ માયાનગરી મુંબઈમાં ઘટતી સાયકોલોજિકલ થ્રિલર છે. ‘અનુભવment’ તેમની પહેલી જ ગુજરાતી નવલકથા છે. લેખકના પોતાના ભારતભ્રમણ પર આધારિત આ પ્રવાસ-નવલને ‘ગુજરાત સાહિત્ય અકાદમી’ દ્વારા વર્ષ ૨૦૧૭ની સર્વશ્રેષ્ઠ નવલકથાનું દ્વિતિય પારિતોષિક આપીને સન્માનીત કરવામાં આવી છે. ગોધરા અને વડોદરા ખાતે કાર્યરત સાહિત્યિક અને સેવાભાવી સંસ્થા ‘કુમાર ફાઉન્ડેશન’ દ્વારા પણ ‘અનુભવment’ને વર્ષ ૨૦૧૭ની સર્વશ્રેષ્ઠ નવલકથાનો ‘દર્શક એવોર્ડ’ આપીને સન્માનીત કરવામાં આવી છે. અગાઉ ‘મુંબઈ સમાચાર’ અને ‘ગુજરાત ગાર્ડિયન’ જેવા અખબારોમાં પ્રકાશિત થયેલી એમની સત્યઘટનાત્મક હોરર લેખમાળા ‘એક સ્થળ… ભૂતાવળ’ નવેમ્બર, ૨૦૧૮માં ‘અમોલ પ્રકાશન’ દ્વારા પુસ્તકરૂપે પ્રકાશિત થઈ છે. વર્ષ ૨૦૨૦માં ઓનલાઇન પ્રકાશક શોપિઝન દ્વારા આયોજિત 'શોપિનોવેલ કોન્ટેસ્ટ ૨૦૨૦'માં એમની સાયકોલોજિકલ થ્રિલર નવલકથા 'ગુલમર્ગ એસ્ટેટ' રૂપિયા પચીસ હજારનું પ્રથમ ક્રમનું ઈનામ જીતી હતી.
તેઓ નવલકથા ઉપરાંત લેખ, ટૂંકી વાર્તાઓ, પ્રવાસ વર્ણન, ફિલ્મ રિવ્યૂ અને બૂક રિવ્યૂ પણ લખે છે. તેમની વાર્તાઓ ‘મિસ્ટર ઇન્ડિયા’, ‘અનોખી’, ‘એક અંધારી રાતે…’ તથા ‘એક હસીન છલના’ વિવિધ વાર્તાસ્પર્ધાઓમાં ઈનામ જીતી ચૂકી છે. તેમની વાર્તા ‘મુક્તિ’ સૂરત ખાતે આયોજિત પ્રતિષ્ઠિત ‘કેતન મુનશી વાર્તા સ્પર્ધા ૨૦૧૭-૧૮’માં વિજેતા બની હતી. વિવિધ વિષયો પર લખાયેલા લેખકના લેખ એમના બ્લોગ ‘વિષયાંતર’ પર ઉપલબ્ધ છે. તેઓ સૂરતથી પ્રકાશિત થતાં ગુજરાતી અખબાર 'ગુજરાત ગાર્ડિયન'ના પૂર્તિ વિભાગના ચીફ એડિટર તરીકેની ફરજ બજાવે છે. લેખન ઉપરાંત તેઓ ફિલ્મો જોવાના અને પ્રવાસ કરવાના શોખીન છે. જુલાઈ, ૨૦૧૯માં ગુજરાતી ભાષાના પત્રકારો માટે આયોજિત યુ.એસ. ટ્રિપનો હિસ્સો બનીને તેમણે અમેરિકાનો પ્રવાસ કર્યો હતો. તેઓ હાલ ‘ગુજરાત ગાર્ડિયન’ દૈનિકમાં પૂર્તિ વિભાગના હેડ તરીકેની ફરજ બજાવે છે.
મયૂર પટેલ
