સ્પર્શ હાર્દિક ‘અભિયાન’ સામયિકમાં ‘વાયરલ પેજ’ કોલમના લેખક છે. અભિયાનમાં જ તેમની ‘એ ફ્લાવર ઓફ વેલિ’ જેવી નોંધપાત્ર વાર્તાઓ ઉપરાંત તેમનું પુસ્તક ‘એકલયાત્રી આઇન્સ્ટાઇન’ શ્રેણી સ્વરૂપે વર્ષ ૨૦૨૦-૨૧ દરમિયાન પ્રકાશિત થયેલું છે. બે લઘુનવલ 'નિર્ગમન' અને 'સેઇટિઝ' પણ પુસ્તક સ્વરૂપે પ્રકાશિત...More
સ્પર્શ હાર્દિક ‘અભિયાન’ સામયિકમાં ‘વાયરલ પેજ’ કોલમના લેખક છે. અભિયાનમાં જ તેમની ‘એ ફ્લાવર ઓફ વેલિ’ જેવી નોંધપાત્ર વાર્તાઓ ઉપરાંત તેમનું પુસ્તક ‘એકલયાત્રી આઇન્સ્ટાઇન’ શ્રેણી સ્વરૂપે વર્ષ ૨૦૨૦-૨૧ દરમિયાન પ્રકાશિત થયેલું છે. બે લઘુનવલ 'નિર્ગમન' અને 'સેઇટિઝ' પણ પુસ્તક સ્વરૂપે પ્રકાશિત થયેલી છે. શ્રી મધુ રાય દ્રારા સંપાદિત ‘મમતા વાર્તામાસિક’માં તેમની ‘અચાનક ૨.૦’ અને ‘જાહ્નવ સુક્તા, તું જાગે છે?’ જેવી નોખી ભાત પાડતી પ્રયોગાત્મક વાર્તાઓ પ્રકાશિત થઈ અને સરાહના પામી છે. તેઓ અનુવાદ કાર્ય સાથે પણ સંકળાયેલા છે અને તેમણે બે ગુજરાતી નવલકથાઓનું અંગ્રેજીમાં ભાષાંતર પણ કરેલું છે.
hardik.sparsh@gmail.com
Book Summary
વીસમી સદીના વિશ્વસાહિત્યમાં, આધુનિક પરંપરાનું આ કાવ્ય સર્વાધિક મહત્વ ધરાવે છે. ચારસોથી પણ વધારે પંક્તિઓનું આ દીર્ઘ કાવ્ય વાંચવા અને સમજવાના હેતુથી હાથમાં લીધું અને પછી થયું કે આનો ભાવાનુવાદ પણ કરીએ તો કેવું? શરૂઆત કરી પણ ૩૦ પંક્તિઓ પછી અટકી જવાયું. પણ હવે ત્યાંથી આગળ વધારવાની ઇચ્છા છે. હાલ તો એ ૩૦ પંક્તિઓ પોસ્ટ કરી રહ્યો છું. કાવ્ય આધુનિક છે, પરંપરાગત નથી એ પૂર્વસૂચના સાથે.
ગુજરાતી સાહિત્યમાં હરીન્દ્ર દવે આદરથી લેવાતું નામ છે. એમના દ્વારા થયેલા આ જ કાવ્યના અનુવાદની મદદ પણ લઈ રહ્યો છું. તેમનો અનુવાદ શબ્દશ: પ્રામાણિક અનુવાદ જેવો છે. મારો ભાવાનુવાદ ભાવકેન્દ્રી છે. છતાં આભાર અને વંદન.
તેઓ લખે છે: ધ વેસ્ટ લેન્ડ હતાશાનું અને આસ્થાનું કાવ્ય છે.