બૅન્ક એકાઉન્ટ
દિલ બેંકમાં એકાઉન્ટ ખોલાવું તારા નામનું,
પૈસા હોય કે ન હોય વ્યાજ બમણું મારી સનમનું...
જો કરે એક ફોન તો થાય નેટ બેન્કિંગ,
વાત કરે લાંબી તો મળે પાસવર્ડ સપોર્ટીંગ,
ટ્રાન્સફરના ચક્કરમાં રાખશું ધ્યાન મનનું,
પૈસા હોય કે ન હોય...
પ્રેમની પાસબુક આપી છે પ્રિન્ટ કરાવતા રહેજો,
બેલેન્સનું ધ્યાન એમાં જરા તમે રાખતા રહેજો,
સ્ટેટમેન્ટ આપીશ રહેશે લખાણ મારા કલમનું,
પૈસા હોય કે ન હોય...
એટીએમથી પ્રેમ મારો ગમે ત્યાં પામીશ,
પાસવર્ડ રૂપી યાદોને બંધ કવરમાં આપીશ,
એમાં બેલેન્સ હશે એકમેકના તનમનનું,
પૈસા હોય કે ન હોય...
એફડી કરી દઉં વગર પૈસે મારા પ્રેમની,
મુદત સુધી બંધાઈશ તો મળશે છે સફર જિંદગીની,
બંધ કવરમાં 'વંતુ' વ્યાજ છે આપણા જીવનનું,
પૈસા હોય કે ન હોય...
- Tushar Jethava 'વંતુ' (સાવરકુંડલા, અમરેલી)
