જીવંત કવિતા
હસતી હતી,રમતી
હતી,
એક કવિતા મારામાં જીવતી હતી.
કવિતા જેમાં રસ છે
સૌ ભરપૂર,
તેનાથી સર્વ દર્દ રહેતા હતા દૂર.
એ કવિતા કહાની મારી કહેતી હતી.
એક કવિતા મારામાં જીવતી હતી.
વ્યવહારો જોઈ દુનિયાના થઈ છે નિરાશ,
નથી રાખતી હવે, તે કોઈની પાસે પ્રેમની આશ.
બસ હવે તે
પોતાનામાં જ મસ્ત રહેતી હતી.
એક કવિતા મારામાં જીવતી હતી.
સપનાંઓ પૂરા કરવાની લગાવી છે હોડ,
ક્યાં સુધી દોડવી પડશે મારે આ દોડ?
બીજાના દુઃખે દુઃખી તે કેમ રહેતી હતી?
એક કવિતા મારામાં
જીવતી હતી.