માનવજન્મનું ભાડું છે! (ગઝલ)
તારા ગયા પછી બધું સારું છે.
જીવન મારું બસ હવે મારું છે.
રોજ નવો દિવસ ને પડકારો,
જીવનનું એ જ તો ગાણું છે.
બધાં કહે હવે નીતિને નેવે મૂક,
હું કહું મારું એ જ તો ટાણું છે!
સંપત્તિ માટે ઝઘડાઓ નહિ,
તને ગમે તો સમજ તારું છે.
નદી ક્યારેય ફરિયાદ નહિ કરે,
કે દરિયાનું પાણી તો ખારું છે.
તેં ખબર ભલેને એમ જ પૂછી,
પણ સાચું કહું તો મને સારું છે.
જે થોડી નેકીઓ થાય છે મારાથી,
એ તો માનવ જન્મનું જ ભાડું છે.
'સાગર' બધું છૂટી જવાનું છે,
ભલે તું કહ્યાં કરે કે મારું છે !
-જાવીદ કરોડીયા 'સાગર'
