તાંકા
લખવા ચહું,
કાગળ પર નહીં,
આ દિલ મહી,
શ્યામ તારું નામ હું.
પણ એ કલમ ક્યાં!
---------------
કલમ મારી,
તારા પગલાં કળે
કે પછી તારી
આણ એના ઉપર
કે શ્યામ મુજ પર?
----------------
આવવું રહ્યુ,
શ્યામ સજન તારે,
આજ તો હેઠુ,
દિલ ફરી પ્રેમની,
કિતાબ ખોલી બેઠું.
----------------
લાગે જાણે કે,
હાથ હાથમાં લઇ
લખાવે મને
તારી મારી પ્રીતની
શ્યામ તુ કવિતાઓ.
------------------
કલમ નાની
ભરવા મથુ એમાં
શ્યામ, તારી હું
અખિલાઇ ,જોઇ એ
તું મલક્યા કરે છે.
-------------------
કોરો કાગળ
આ જીંદગીનો આજ
આંખને ખૂંચે
શ્યામ તુ લખ એમાં
સંદેશ મારે કાજ
------------------
કેમ સમાવુ,
અખિલાઇ આ તારી
આંખમાં મુજ?
કે કલમમાં ભરી,
એ કાગળે ઠાલવું.
-લતા ભટ્ટ('ઉદ્ ગીથ' તાન્કાસંગ્રહ્માંથી)
