दीप उजळले आली दिवाळी
आनंदाची उधळण झाली,
दीप उजळले आली दिवाळी...
तीन वर्षे करोनाचे सावट होते,
गळाभेट नव्हती जीवलगांची.
काय करावे कळतही नव्हते,
तगमग होती मनामनांची.||१||
ईश्वर कृपेने संकट टळले,
आता साजरी करू दिवाळी,
करुन लाडू, चकल्या, शंकरपाळे,
अभंग्य स्नानास उठू सकाळी. ||२||
घरोघरी आज दीपक ज्योती,
दारोदारी सुबकशी रांगोळी,
फटाके, अनार, चंद्रज्योती,
सजून आली, आली दिवाळी.||३||
विसरुन सर्व आता हेवेदावे,
एकमेकांस भेटू जीवेभावे,
समभाव प्रेम द्यावे, प्रेम घ्यावे,
सर्वांना अपुले करुन सोडावे.||४||
विसरुनी ती संकट रात्र काळी,
स्वागत करुया शुभ सकाळी.
आनंदाची सर्वत्र उधळण झाली,
दीप उजळले, आली दिवाळी ||५||
मेधा विश्वनाथ फेणे.
सांताक्रूझ (पूर्व)
9769406686.