घर
घर कौलारू कौलारू
त्यावर चढे शांतीचा वेलू
घरापुढे रे सुंदर बाग
जसा सोनियाचा बा साज...... ll1ll
घर झोपडी झोपडी
परी नसे महालाहुनी थोडी
जेव्हा वसे तेथे प्रेम माया
तेव्हा भासे चैतन्याची छाया...... ll2ll
घर सुंदर सुंदर
असे देवाचे मंदिर
जेव्हा नसे घरी कलह
तेव्हा भासे सुखाची चहल...... ll3ll
घर बंगला बंगला
सजव माणसांनी चांगला
नको फक्त वस्तू यंत्र
हाच खरा सुखाचा मंत्र......... ll4ll
घर उदास उदास
जेव्हा तेथे मत्सराचा वास
नको पैसा नको धन
हवे फक्त समाधान............. ll5ll
असे असावे अपुले घर
वाहे तिथे प्रेमाचा निरझर
तेथे सदा कुरकुर
माणसे नको रे अति दुर......... ll6ll
