रावण दहन झाले, पण मनातला रावण अजून डोकावत होता |

माझे दहन व प्रभू रामाचे पूजन का ? म्हणून विचारात होता |1|

मनातले कल्लोळ पण विचारत होते, रावणाने सीतेला तर स्पर्श केला नव्हता |

तरीही माझे दहन ,आणि  बलात्कारी मात्र मोकाट फिरत असतात  |2|

हे बघून मनातला रावणच म्हणाला, माझ्या असंख्य पापाला मुक्ती दिली प्रभू रामाने |

परंतु सोडून दिले ना मोकळे आजच्या रावणाला तुमच्यातील प्रत्येकाने |३|

त्यावर अंकुश कोण ठेवणार, आणि कोण न्याय देणार घराघरातील  सीतेला |

काय म्हणावे रामालाच विरोध आणि रावणाचे गुणगान करणाऱ्याला |४|

शेवटी मनातील रावणच

म्हणाला माझे तर दहन केले प्रभू रामाने,  परंतु मना मनातील रावणाने पुन्हा सीता मातेचे हनन

 केले |

याच मना मनातील रावणाने सीतेला  वनवासी आणि रामाला पुन्हा एकटे केले |५|

म्हणून म्हणतो मनात राम जपा, म्हणजे बलात्कारी अत्याचार करण्यास धजणार नाही |

परंतु मनात राम नसेल तर रावण असणारच, आणि, मग रावणाला दंडित करणारे कोणीच असणार नाही |६|

ही प्रवृत्ती बदला , प्रत्येक नर राम आणि नारी सीता होईल |

तेव्हाच अत्याचार सांडतील,  सदाचार वाढतील आणि मगच स्त्री मुक्त होईल |७|

जय श्री राम 

राजेंद्र बेनोडेकर