हृदयातील ब्लॉकेज
हृदयातील ब्लॉकेज
ओझं विचारांचं मी रोजच वाहत आहे,
तो कोण असेल, जो हृदयातलं रक्त ब्लॉकेज बनून रोखत आहे?
रोज विचारतो मी काळजाला,
पण गुपित ते लपवत आहे.
आज विचारतो डॉक्टरला,
असा जिवलग कोण आहे,
जो माझ्याच हृदयात राहून
मला मरणाच्या दारात लोटत आहे?
तो कोण असेल,
जो हृदयातलं रक्त ब्लॉकेज बनून रोखत आहे?
आपले समजुनी ज्यांना मी हृदयात जागा दिली,
आज तेच ब्लॉकेज बनून माझा घात करत आहे.
आता वेदना असह्य झाली,
आपले असो की परके, सर्वांना रजा देत आहे;
म्हणूनच आज मी
माझ्या हृदयाची सफाई करत आहे.
ओझं विचारांचं मी रोजच वाहत आहे,
तो कोण असेल,
जो हृदयातलं रक्त ब्लॉकेज बनून रोखत आहे?
प्रविण ज्यो. तायडे
अमरावती
8830103626
