तुझी आठवण
तुझ्या आठवणीने जर का ऊर भरून आला,
तेव्हा पाऊस पडावा,
आणि डोळ्यांचा ओलावा
त्यातच विरून जावा.
श्रावणाचा गार वारा अंगावर येता,
त्याच्या बहाण्याने तुझा स्पर्श व्हावा;
मनाच्या कोऱ्या पानांवर अलगद,
तुझ्या आठवणींचा गंध दरवळावा.
हिरव्या साडीत तू मिलनास यावी,
ओठांवरती हळूच लाज खुलावी;
आणि अंबर-धरतीच्या मिलनाचा,
क्षितिजाने साक्षीदार व्हावा.
तू जवळ असावी, पाऊस बरसावा,
प्रत्येक थेंबात तुझाच भास व्हावा;
संपून जावा विरहाचा हा ऋतू,
आणि जन्मोजन्मीचा सहवास लाभावा.
प्रविण ज्यो. तायडे
अमरावती
