પુસ્તક – શોધ-પ્રતિશોધ ભાગ – ૨

લેખક – મહેશ યાજ્ઞિક

આકાશ જરીવાલા પોતાનું રહસ્ય અકબંધ રાખીને એક પછી એક દાવ ખેલે છે. એલ.ટી.ટી.ના વડા ટી. બાલુ સાથેની તેની મુલાકાત અને તેની સાથે થયેલો સોદો વાર્તાને વધુ રહસ્યમય બનાવે છે. આ સોદો પાર પાડવા માટે કરવામાં આવેલી ચોરી અને અંતે ફરી એકવાર ઊંટી આવી પહોંચતો આકાશ—આ સમગ્ર ઘટનાક્રમ વાચકની ઉત્સુકતા સતત જાળવી રાખે છે.

વાર્તાના અંતમાં પ્રતિશોધ લેવા માટેના પગલારૂપે આકાશ ઘર છોડીને ચાલ્યો જાય છે, પરંતુ અંતે તેને સમજાય છે કે તે પોતે જ કોઈ બીજાના પ્રતિશોધનો શિકાર બનીને પોતાના લોકોથી દૂર થયો હતો. પોતાની ભૂલનો અહેસાસ થતાં તેને પસ્તાવો થાય છે અને અંતે પોતાના પરિવાર સાથે તેનું સુખદ મિલન થાય છે. આમ, નવલકથાનો અંત આવે છે.

અંત સુધી રહસ્યથી ભરપૂર રહેતી આ નવલકથા વાચકની ઉત્સુકતા સતત જાળવી રાખે છે. એક પછી એક ખુલતાં રહસ્યો અને અણધાર્યા વળાંકો સાથે નવલકથા વાંચવાની ખરેખર મજા આવે છે.

અર્થસભર વાક્ય :

“મનમાં ભેગી કરેલી કડવાશ બીજાને નહીં, અંતે આપણી જ જિંદગીને ઉધઈની જેમ અંદરથી કોરી ખાય છે.”