આદત છે
આદત છે!
માં ભોમની રક્ષા કાજ વીર સપૂતોની શહાદત છે,
પણ એમાંય વચન-પ્રવચન રાજનેતાની આદત છે.
જો હોય કોઈ પોતીકું એમનું, સરહદે કે દેશ રક્ષાએ,
પછી જોઈએ કેટલી થાય માત્ર "નિંદા", જેમ આદત છે.
નાત-જાતના વાળા પાડી મૂર્ખ બનાવી વોટ પડાવે છે,
મોકલો સરહદે, પછી ખબર "વાકયુદ્ધ"ની જ આદત છે.
કંકુ ભર્યો સેંથો આજ રક્તરંજીત થઈ ને દીપી ઉઠ્યો,
જોશું ઇંટની સામે કેટલાં પથ્થર? જેમ વચનોની આદત છે.
લોકોમાં ઉગ્ર રોષ, બંધ, હાહાકાર, પથરાવ અને નારા!
બસ એક-બે દિવસ પછી? પૈસા લઇ વોટ જેમ આદત છે.
નહીં સમજાય એ સરહદ, નોટ-વોટ ભૂખ્યા કે ધર્માંધોને,
સોસીયલ મીડિયાના યુગમાં, માત્ર લાઈક-શેરની જ આદત છે.
દેશભક્ત સપૂતોની દેશ હિત કાજે શું વ્યર્થ જતી શહાદત?
અરે આ તિરંગા માટે પ્રાણ દેવા એ સાચા સપૂતની આદત છે.
દિલેન સોલંકી "બિન્દુ"
માંડવી કચ્છ
