सेकंड इनिंग ????

तब्बल २ महिन्यानी आज आॅफीसला गेलो. अनामिक भीती सगळीकडेच जाणवत होती. पुढे काय याचा ताण स्पष्ट दिसत होता. अनिश्चितता जाणवत होती. पण कुठून तरी सुरवात ही होणे आवश्यक वाटत होते. अजून काही दिवस एक दिवसाआड जाणे होईल, कदाचित पुढील महिन्यापासून रोज जावे लागेल. पण पुढे येणारा काळ सर्वांची कसोटी घेणारा असणार यात शंका नाही.

कसोटी वरुन आठवले, कसोटी सामन्यात दोन डाव असतात. पहिल्या डावात शतकावर शतके काढणारा दुस-या डावात यशस्वी होतोच असं नाही. हे  साधारण पाहण्यातल सांगतोय. 

पण काही काही खेळाडू / कलाकार केवळ

 दुस-या डावा मुळे प्रसिद्ध झालेत.

उदा. व्हि.व्हि एस लक्ष्मण. त्याच्या अनेक खेळीत दुसरा डाव जास्त रोहमर्षक ठरलाय. 

रवी शास्त्री - प्रत्यक्ष क्रिकेट मधे मर्यादित यश मिळाले असताना समालोचक म्हणून दुसरी इनिंग जास्त यशस्वी ठरली.

अमिताभ बच्चन / सुनील गावसकर सारखी वय्यक्तिमत्व ही कुठल्याही इनिंग मधे यशस्वी ठरली असे म्हणता येईल.

मला तरी सध्या एवढेच आठवले. तुम्ही यात तुमच्या पहाण्यातील व्यक्तींची भर घालू शकता

बस ! या काही लोकांचा आदर्श पुढे ठेऊन आपलीही सेकंड इनिंग सुरु करायची आहे. मनाला सध्या जे अदृश्य कुलुप लागलय ( लाॅक) ते उघडायचे आणि पुढे जात रहायचं. या टप्प्यावर ( सेकंड इनिंग) थोडा वेगळा मार्ग / वेगळी आव्हाने स्विकारावे लागणार आहेत याची मानसिक तयारी ही करायचीच   आणि मनाला सारख सांगायचय,

रुक जाना नही , तू कही हारके... ✌????

अमोल

a.kelkar9@gmail.com