स्वभाव
माणसांच्या गर्दीमध्ये हरवलाय स्वभाव ,
खरा कोणाचाच नाही सगळा खोटाच हावभाव
पोटात न ठेवणारी असतात काहींची बोलकी मने ,
न बोलताच कळते कुणाचे मुक्यानेही बोलणे
कलाकार हृदयी ते दिलखुलास असतात काही ,
स्वच्छंदी विहार करतात त्यास कसलीही सीमा नाही
खोटारडी ही असतात कोणी तर कोणी नाटकी ,
काही असतात हलक्या कानाची व भटकंती करणारी भटकी
काही मात्र शीघ्रकोपी तोंडावरती अपमानाचा जाळ ,
काही बिचारे स्वभावाला वरण भाता सारखे मवाळ
खोटे मुखवटे धारण करून कशाला करतात यांचा वध ,
चांगले होईल ,कधी वाईटही होईल जरी नसले स्वभावाला औषध !!!
जरी नसले स्वभावाला औषध ...!
