संगीतकार - पु. ल देशपांडे
संगीतकार - पु. ल देशपांडे यांनी दिलेला संगीतमय नजराणा , आज त्याच्या स्मृतीदिना निमित्य त्यांना समर्पित .
येताय मंडळी ? कुठे काय ? कुठे आहात ? ठेवा योग्य अंतर आणि
इथेच टाका तंबू
थोडी हिरवळ थोडे पाणी
मस्त त्यात ही रात चांदणी
उतरा ओझी विसरा थकवा
सुखास पळभर चुंबू
इथेच टाका तंबू , इथेच टाका तंबू
चला जमले सगळे, जस जस पुढे जायला लागू आपण, तस रंगून जायला होईल आपल्याला, जसा
दास रामनामी रंगे , राम होई दास
एक एक धागा गुंते रूप ये पटास
राजा घनश्याम !
कौसल्येचा राम बाई , कौसल्येचा राम
भाबड्या या भक्तांसाठी देव करी काम
नदीकाठचे एखादे मस्त देऊळ , समोर नदीचे स्वच्छ नितळ पाणी ( कल्पनेत ) आणि हे गाणे .
लागली समाधी ...... ज्ञानेशाची हो ज्ञानेशाची
इंद्रायणी काठी .
मागेपुढे दाटे ज्ञानाचा उजेड , अंगणात झाड कैवल्याचे , कैवल्याचे
इंद्रायणी काठी , देवाची आळंदी लागली समाधी ज्ञानेशाची .
अशी समाधी लागली पाहिजे वेळोवेळी , मग आपण स्वतः:च स्वतः:ला म्हणू
माझे जीवनगाणे , माझे जीवन गाणे
व्यथा असो आनंद असू दे
प्रकाश किंवा तिमिर असू दे
वाट दिसो अथवा न दिसू दे , गात पुढे मज जाणे
एकदा का मनाने असे ठरवले की मग तसा फरक पडत नाही की सुराचा नाद कुठून येतो ते. आपण फक्त आनंद घ्यायचा .
ही कुणी छेडिली तार
प्राजक्ताच्या मधुगंधासह कुठुनी ये केदार ?
कधीकधी अनावधानाने काही प्रसंग कोड्यात टाकतात म्हणून त्याचा अर्थ बरोबर कळणे आवश्यक ठरते नाहीतर
" शब्दावाचून कळले सारे शब्दांच्या पलीकडले
प्रथम तुला पाहिले आणिक घडू नये ते घडले
अर्थ नवा गीतास मिळाला
छंद नवा अन ताल निराळा
त्या दिवशी का प्रथमच माझे सूर सांग अवघडले "
पण जर तुम्ही कुणाला ' शब्द ' दिला असाल तर
वायदा केला विसरू नका याद ठेवा पक्की
जमलं तर आज या , न्हाई तर उद्या नक्की
आणि हा वायदा पूर्ण केलात की ( ती )
हसले मनी चांदणे
जपून टाक पाऊल साजणी नांदतील पैंजणे
मंडळी, या लेखातील प्रत्येक गाण्यातील संगीत तुम्ही गुणगुणलेत ना ? चला आता गाण्यांची रिमझीम थाबवू , भाईंनी संगीत दिलेल्या आणि तमाम मराठी जणांच्या कायमस्वरूपी मुखी असणा-या या गाण्याने
'पावसाची रिमझीम थाबली रे '
तुझी माझी जोडी जमली रे
आभाळात छान छान
सातरंगी कमान
कमानीखाली त्या नाच
( भाईप्रेमी ) अमोल
१२/०६/२०२०