कवी मनाचा खेळ
करुनी विचार बसले लिहायला
परी शब्दांची साथ मिळेना ,
गुंतले या विश्वात मी
तरी मन लिहिण्यात रमेना
शब्द जुळायला यमक पाहिले
लिहिल्या मग काही ओळी ,
विचारांचे झाले काहुर मनात
लिहितांना वेळी - अवेळी
गुंतलेल्या विचारांमध्ये
मग चित्त हे हरपले ,
शोध लागत माझा मला
शब्द अनोळखी गवसले
बघता बघता कडवी झालीत
परी कशाची कमतरता ,
साध्या सोप्या कवितेत
नावाची ही उणिवता
सरते शेवटी नाव ठरले
संपला शब्दांचा मेळ ,
कविता करणं सोपं नाही हो
हा तर कवी मनाचा खेळ...
हा तर कवी मनाचा खेळ...
