કૃષ્ણ ગીત
શામળિયા તારી વાંસલડી ગાતી,
હરખે હૈયાં રમાડતી હોં...
ભાન ભૂલી છે ગોપિયું તાનમાં,
વનમાં રાસ રમાડતી હોં...
રાધા ગોતે છે એના કાનુડાને,
વિયોગે રચી પળ-માળા હોં,
પ્રેમ ભરી છે સ્મૃતિઓ સઘળી,
રચે છે જીવન ગાથાઓ...
જડે કૃષ્ણ જો, તમને મળે ને,
યાદ મારી પણ અપાવજો હોં,
વાટલડી નિરખે નિત્ય સમયે,
આશ મિલનની રાખી હોં...
ભજે છે મીરાં કૃષ્ણને મનમાં,
તારો રહે મને સાથ હોં,
બીજું કશું ના માંગવું મારે,
ઉત્તમ માર્ગ પામવો હોં...
નરસૈંયાનો સ્વામી પ્યારો,
પામે ભક્તિ અખંડ હોં...
કુળ ઉગારે, જનમ સુધારે,
પામે વૈકુંઠ ધામ હોં...
કૃષ્ણ નામ જપિયા કરો ને,
હરિ ના ગુણલા ગાય જો,
ભવ સાગર તરે, શાંતિ પામે,
રહે નહી કોઈ ફિકર હોં...