આજની નારી
હૃદયમાં હામ રાખી ચાલનારી આજની નારી;
કદી ના દુઃખમાં પણ હારનારી આજની નારી.
કરે મા બાપની સેવા હૃદયથી જિંદગીભર એ;
હૃદયમાં લાગણીઓ રાખનારી આજની નારી.
ભલેને આધુનિક યુગ લાગતો આજેય વખ જેવો;
છતાં હિંમત કરીને જીવનારી આજની નારી.
નથી કોઈ હવે ડર આવનારી આફતોનો પણ;
હવે તો હર ક્ષણોને જીતનારી આજની નારી.
હૃદયમાં તો વહે છે પ્રેમનો સાગર સદા મિત્રો;
જીવનમાં સૌને આદર આપનારી આજની નારી.
બને ક્યારેક રણચંડી બને ક્યારેક મીરાં પણ;
સમયને કાયમી સંભાળનારી આજની નારી.
-ઉમેશ તામસે 'ધબકાર',
વ્યારા (તાપી)
