સ્માઈલ
-
રસ્તામાં ચાલતી વખતે અચાનક વર્ષો પહેલાંનો
જૂનો મિત્ર દેખાઈ જાય ;
તો...તો જરીક 'સ્માઈલ' તો આવી જ જાય !
વર્ષોથી બંધ એ કબાટમાં કશુક સંતાયેલું હોય ;
ને,
ભેદ ખોલી દે એવો,
પ્રેમના પ્રથમ મિલનનો
એ કાગળ હાથ લાગી જાય ;
તો...તો જરીક 'સ્માઈલ' તો આવી જ જાય !
અમસ્તા ખીલેલી સંધ્યાને જોવાનું મન થાય,
પણ બારી માંથી ચાંદની પોતે -
એક સોનેરી કિરણ મૂકી જાય,
તો...તો જરીક 'સ્માઈલ' તો આવી જ જાય !
ક્યાં સુધી મુઠ્ઠીમાં અકબંધ રહેશે લાગણીઓ
વાવો બીજડાં ને એમાં 'કવિતા' ઉગી જાય,
તો...તો જરીક 'સ્માઈલ' તો આવી જ જાય !
