धन्य नामदेव
????????????????????????????????????
अभंग रचना
६|६|६|४
धन्य नामदेव
देवाचा लाडका । असे नामदेव।
केली उठाठेव । देवानेही ॥१॥
नैवेद्य खावया । हरी स्वये आला।
आनंदात न्हाला । नामदेव॥२॥
तुम्ही आम्ही सारे। किती भाग्यवंत।
थोर पुण्यवंत । संत लाभे॥३॥
जयाचिया साठी। देव प्रकटला।
वंदन तयाला । मनोभावे॥४॥
धन्य नामदेव । थोर सारे संत।
मीपणाचा अंत। होवो आता॥५॥
गजानन करी । नामाचे भजन।
करावे पूजन । संतांचेच॥६॥
©️ गजानन तुपे
96992 46358
मुंबई
आज आज संतश्रेष्ठ नामदेव महाराजांची पुण्यतिथी त्यानिमित्ताने ही अभंग सेवा सर्व साहित्यिक, सारस्वत आणि संतांचे चरणी समर्पित करतो.
????जय हरी विठ्ठल????
