પ્રણયની વાત
પ્રણય ની વાત ક્યા કદી વાસી હોય છે,
એ મહેકતી તરોતાજા બારમાસી હોય છે,
વ્યાકુળ નજર શોધે મારી તને ચારેકોર,
હર ચહેરે તારું દેખાવું આભાસી હોય છે,
તને જોયા પછી હું શું જાઉં મંદિર-મસ્જિદ,
તારા ચહેરામાં મારું કાબા-કાશી હોય છે,
ઢોલ-નગારા વગર હોય યાદોં ની જાન,
નાચે લાગણીઓ તો થતી હાંસી હોય છે,
લીલી-સૂકી લાગણીની શૂન્યતા વચ્ચે,
તારે સ્મરણે મને ઘેરતી ઉદાસી હોય છે,
મંઝીલ પહોચવું મુશ્કેલ પ્રેમ-માર્ગ દુષ્કર,
"શીલ"મનથી તારી સંગે પ્રવાસી હોય છે .
