તમને જોઈએ છે બહુમતી
દોસ્તો , મારે રાજકારણ સાથે કોઈ લેવાદેવા નથી પણ , રાજકારણીઓ જે મેલી રમત રમીને ખડબદતું રાજકારણ ખેલી રહ્યા છે તે જોઈને હદયમાંથી હાયકારો નીકળી જાય છે , તેમને ચાબખા મારવા માટે કવિતા સ્વરૂપે મારી બે પંક્તિ ............
તમને તો જોઈએ છે , સો ટકા બહુમતી ,
નહીં મળે એમાં , લેશ પણ અમારી સહમતી ,
બહુ થાકી ગયા તમે , ખાટી છાશ મથી મથી ,
પણ બધું માખણ ક્યાં , ચોરી ગયો દ્વારિકાપતિ ,
તમારે તો બનવું છે , સર્વેસર્વા ગાદીપતિ,
નહીં મળે તમને , અમારી ચીનીકમ ચાયપત્તિ ,
વધારે વંઠી ગયા તમે ,ચલાવી મેલી મનોવૃત્તિ ,
પણ ભટકાશે માથાનો, સળગાવશે દીવાબત્તી ,
ભડભડ બળી લંકા , ન ચાલી રાવણવૃતિ ,
કઈ વાડીના મૂળા તમે , મુકો હલકટવૃત્તિ ,
દેશમાં ચાલે અત્યારે , આપતકાલીન સ્થિતિ ,
રોટલા શેકવા કરતા , જાણો ગરીબની મનસ્થિતિ ,
મોકલ્યા દેશસેવા કરવા , જોઈ ખરી આપત્તિ ,
તમે કરી પોતાની સેવા , ક્યારેક કરો રાષ્ટ્રભક્તિ,
બહુ ગંભીર છે અત્યારે , દેશની પરિસ્થિતિ ,
ચાઇના સેરવી લેશે , તાજતણી ગલવાનપટ્ટી ,
તારું મારુ બંધ કરી , દેખાડો દુનિયાને એકમતી ,
પૂછો પાકિસ્તાનને , હિંદસેનાની ધણધણાટી ,
એક બની કરો ટંકાર , છોડી છળકપટવૃત્તિ ,
"વલભીપુરી " કહે રાજી થશે , સરદાર નર્મદાતટી ,
કવિરાજ નિલેશ ભરોડીયા " વલભીપુરી " ની " કવિતા કાળજાની કટાર " માંથી વિણેલા મોતી સ્વરૂપે