વરસાદ, હા એ જ વરસાદ...
વરસાદ, હા એ જ વરસાદ...
વરસાદ, શું કહું આ વરસાદને?
શું લખુ આ વરસાદને?
વરસાદ, હા એ જ વરસાદ...
જે પાણીથી પણ ભીંજવે અને લાગણીથી પણ ભીંજવે.
વરસાદ, હા એ જ વરસાદ...
જે બાળકોમાં માસુમ મસ્તીનું તોફાન લાવે,
અને ખેડૂતોને વાવણીની વધાઈ પણ લાવે.
વરસાદ, હા એ જ વરસાદ...
જેમાં બાળક બની કાગળની હોડી ચલાવવાનું ગમે,
તો યુવાન બની પ્રેમી સાથે હિલોળે ચડવાનું પણ ગમે.
વરસાદ, હા એ જ વરસાદ...
જે પ્રીતમનો પ્રેમ છલકાવે,
અને દુર રહેલા પિયુના વિરહની અગનમાં જલાવે.
વરસાદ, હા, એ જ વરસાદ...
પ્રિતમના ઓફીસ ગમનનો અફસોસ લાવે,
અને પ્રિતમના સાથે હોવાની ખુશી પણ લાવે.
વરસાદ, હા એ જ વરસાદ...
જે પોતાની મનમાની ચલાવી પ્રિતમ પાસ જીદ્દ કરાવે,
અને તેની આમન્યા જાળવવાની ફરજ પણ નિભાવે.
વરસાદ, હા એ જ વરસાદ...
જેમાં ચોકલેટની જેમ ઓગળવું ગમે,
અને ભજીયાની જેમ ક્રીસ્પી રહેવું પણ ગમે.
વરસાદ, હા એ જ વરસાદ...
જે કુદરતનો દરેક જીવ પ્રત્યેનો પ્રેમ દર્શાવે,
અને વાદળના ગડગડાટ સાથે મુજ હૈયે થનગનાટ જગાવે.
..... અલકા કોઠારી