હજીપણ ક્યાં સુધી...
..... " ગઝલ ".....
હજીપણ ક્યાં સુધી આવી જ અક્કડ રાખશો,
હ્રદયને ખોલવા શું પાના-પક્કડ રાખશો
રહો છો દોડતા કાયમ ઉતાવળમાં ઘણા,
તમે શું મૃત્યુ વખતે આવી તક્કડ રાખશો
નયનથી સાવ વિપરીત છે છટા અંદાજની,
વલણ શું કાયમી આવું જ જક્કડ રાખશો
અમારી આ ગઝલ તોફાન થઈને આવશે,
તમે શું પૂર સામે હાથ લક્કડ રાખશો
પરણવાની ઉંમર પૂરી થવા આવી હવે,
મને ગુમનામ શું સાચે જ ફક્કડ રાખશો.
-ગુમનામ વઢિયારી
કલ્પેશ રામાનુજ
ગામ-રાફુ