તહેવારોનો દેશ
"આપણો દેશ કેટલો મહાન છે ! કેવાં એક પછી એક સુંદર તહેવારો આવ્યાં જ કરે . હે ને મા?"
" હા બેટા", માએ સાડીના પાલવથી પરસેવો લૂછતાં- લૂછતાં કહ્યું.
" નવલાં નોરતાં હજી પડઘાય છે ત્યાં તો આજે શરદપૂનમ આવી ગઈ અને આવતી કાલે જ જાણે હવે દિવાળી. મા તે બધાં માટે દૂધપૌઆ તૈયાર કરી નાખ્યાં છે ને?
" હા, બેટા" , મા રવિ માથે હાથ ફેરવતાં બોલી.
" હે મા, શરદપૂનમનું ખરું મહત્વ શું છે કહોને?"
" શું ખબર બેટા? હું કઈ ભણી થોડી છું", માની આંખમાં પણ પૂનમ ભરાણી.
" અને હમણાં આવશે પુરા મહિનાનું વેકેશન. આખો મહિનો રજા. વેકેશન વિશે કાંઈ કહોને મા?"
" ફેફસામાં શ્વાસ ભરી ચૂલામાં મૂકેલાં બળતણને ફૂંકણીથી જોરથી ફૂંક મારી હાંફતી મા એટલું જ બોલી શકી.....
કોને ખબર ?!..
