चांदणेही वेचिले
चांदणेही वेचिले
चांदणेही वेचिले, काय उणे केले ?
शुक्रतारे आणिले, काय उणे केले ?
तिमिरातही काजव्यांनी, शोधले तुला मी
तुज देहशिल्पी कोरले, काय उणे केले ?
सोसल्या झळा, उन्हपावसाच्या सदा
गाळले मी अश्रू फुले, काय उणे केले ?
समर्पिला सरितासम, अवघा देहाकार मी
क्षण माझे ना उरले, काय उणे केले ?
रिझविले सप्तसूर, कोकिळाही मी जाहलो
गझलांनी मी छेडिले, काय उणे केले ?
पेटली चिता माझी जरी, सुगंधित तू व्हावे
अर्पिले मी श्वास फुले, काय उणे केले ?
