કેમ પપ્પા?
હું જન્મી ત્યારે આંસુડાની ધાર ,
ને ભઈ'લા વખતે પ્રેમનો વરસાદ ....કેમ પપ્પા?
દીકરો ઘરનો કુળદિપક ,
તો દીકરી સાપનો ભારો ....કેમ પપ્પા?
દીકરો ઘરે રખડીને આવે ,
ને દીકરીને ભણવાનો નહીં અધિકાર ....કેમ પપ્પા?
દીકરો કામ કરે તો ઘરનો વંશ ,
ને દીકરી પારકી થાપણ.....કેમ પપ્પા?
દીકરો નશામાં ધૂત થઈને આવે તો પણ ગરમ પકવાનનો પ્રસાદ ,
દીકરી કોલેજથી પંદર મિનિટ મોડી આવે તો પ્રશ્ર્નનો વરસાદ.....કેમ પપ્પા?
કેટીએમ ને સ્માર્ટફોનથી વધે દીકરાની શોભા,
ને રસોડાના કામથી વધે દીકરીની શોભા....કેમ પપ્પા?
દીકરાની આટલી બધી શાન ,
શું નહીં વધે લોકોને દીકરી પ્રત્યે માન ...કેમ પપ્પા?
~@urvipatel~