कविता
ज्ञानदा -सावित्रीबाई
समाज सुधारक सावित्रीबाईंची महती काय वर्णावी? समाजकंटकांनी त्रासले तरी अखंड व्रत चालवी!
कर्मयोगी सावित्रीबाई जशी धगधगती मशाल
'त्यांचा वारसा थांबवेल कोणी', आहे का मजाल?
'चुल-मुल' च्या जमान्यात मुलींना हाती लेखणी दिली
पहिली शाळा मुलींची चालवून महिला शिक्षिका बनली
'सावित्री -जोतिबा' झटले ज्ञानी करण्यासाठी जनता
त्यांचे स्वप्न साकार झाले मुली मुल शिकली पाहता पाहता
धन्य त्या सावित्रीबाई त्यांच्यामुळे आम्हास शिक्षण लाभले
पावन झाला स्त्री समाज ह्या क्रांतिकारीणीमुळे
मराठी कविता केल्या , रमल्या मुलीबाळी
शिक्षणाची गोडी अविट लावली ह्या स्त्रीशक्तीनी
त्यांचे नाव माहित नाही, असा माणूस ना मिळेल
पुणे विद्यापीठ अखंड 'क्रांतीज्योती सावित्रीबाई फुले 'नावाने शोभेल!
सौ.मीना उल्हास करकरे