ગોકુળ ગામનો ગોવાળીયો
ગોકુળ ગામનો ગોવાળીયો કાનજી રે,
વૃંદાવનમાં રહે છે રાધા રાણી રે...ગોકુળ...
વૃંદાવનમાં ગૌધેનું એ ચરતો રે,
વાંસળીના સૂરે એ નચાવતો રે..
ગોકુળ ગામનો ગોવાળીયો કાનજી રે.
યમુનાને કાંઠડે એ રમતો રે,
કાળી નાગને એણે નાથ્યો રે,
ગોકુળ ગામનો ગોવાળીયો કાનજી રે.
ગોપીઓની મટકી એ ફોડતો રે,
માહી માખણની ચોરી કરતો રે,
ગોકુળ ગામનો ગોવાળીયો કાનજી રે.
મથુરાની વાટે એ નીકળ્યો રે,
ફરી ગોકુળમાં નથી આવ્યો રે,
ગોકુળ ગામનો ગોવાળીયો કાનજી રે.
કુરુક્ષેત્રના યુદ્ધમાં એ ભમ્યો રે,
ભાગવતગીતાનો નાદ સુણાવતો રે,
ગોકુળ ગામનો ગોવાળીયો કાનજી રે.
દાસ રાજુનો કાન છે શામળિયો રે,
એતો ભક્તોમાં દુઃખડા ભાંગતો રે,
ગોકુળ ગામનો ગોવાળીયો કાનજી રે.