ઘાવ
કેટલાં ઉંડા લાગ્યા હશે ઘાવ !
હજુ એની ક્યાં કળ વળે છે !
નિરાંતે બેસી હું મને મળી શકું
એવી મનગમતી ક્યાં પળ મળે છે !
ગમે તેટલું ઉડું ખોતરો તો પણ ,
પીડા નું ક્યાં તળ મળે છે !
બહાર થી ભલે દેખાવ હું સીધોસાદો !
પણ મનમાં તો કેટલાંય કીડા સળવળે છે!
તું હોય , રાત હોય, એકાંત હોય !
આવી ઘણી ઇચ્છાઓ ટળવળે છે !
આ કોણ આવી ગયું અચાનક મહેફિલ માં !
આ કોનું તેજ એની આંખોમાં ઝળહળે છે !
તું ચલાવે છે આ સૃષ્ટિ નું તંત્ર એ સાચું છે ?
કે પછી આ બધું એમ ને એમ અટકળે છે !
કેટલાં ઉંડા લાગ્યા હશે ઘાવ !
હજુ એની ક્યાં કળ વળે છે !
શૈલેષ દૂધાત