સપનાં સજાવ્યાં છે
એક યુગલગીત વેલેન્ટાઈન દિવસ નિમિત્તે
'સપનાં સજાવ્યાં છે'
***************
(એક નવાં પ્રેમીઓનું યુગલગીત.)
પુરુષ: મેળવી નજર તમે કામણ કર્યું, શું નેણ નચાવ્યાં છે
નયનોમાં અમે હવે તમારાં સ્વપ્નાં સજાવ્યાં છે.
સ્ત્રી: કામણ કરું શું હું, નજરે તમારી અમ દિલડાં કાપ્યાં છે
બસ તમે, તમે ને તમે મારાં રોમેરોમ વ્યાપ્યા છે.
પુરુષ: આંખો ચમકે હીરા સમી, શું રંગ રાખ્યો છે
ઉરમાં સજાવું એ રંગને જેનો સ્વાદ ચાખ્યો છે.
આવકાર મળ્યો તમ નેણનો, અમે પાસ આવ્યા છે
નયનોમાં અમે હવે તમારાં સ્વપ્નો સજાવ્યાં છે.
સ્ત્રી: બોલીશ નહીં હું હવે એ વાત ફરીફરી
થઈ પાગલ તમારા પ્રેમમાં, ઘાયલ તમે કરી.
ભૂલી જાઉં છું ભાન, જ્યારે તમે સ્મિત આપો છો
બસ હવે તમે જ મારાં રોમેરોમ વ્યાપો છો.
પુરુષ: અમે તો તમારી અમી નજર પર વારી ગયા
નજર શું માંડી તમે, અમે જિંદગી હારી ગયા.
સ્ત્રી:આવ્યા તમે પાસે ત્યાં તો સમય અટકી ગયો
સાથે તમારી જીવવા મને આશા મૂકી ગયો.
પુરુષ: તો આવ સીંચીએ મધુર સંસારનાં શમણાં જે વાવ્યાં છે
નયનોમાં સાથે મળી સ્વપ્નાં સજાવ્યાં છે.
-સુનીલ અંજારીયા
***
(ગાઈ પણ શકાય તેવું છે. શોપીઝન પર મુકું છું.)