जय जय रघुवीर समर्थ
श्रीराम तेज सामावलेले जयांत |
उपासना जयांची असे अशी समर्थ |
रामदासी जयिष्णूचा घोष घेई राष्ट्र |
घोषणाच ज्यांची 'जय जय रघुवीर समर्थ' ||
राष्ट्रकारणा हनुमान बलोपासना देत |
शिव स्वराज्यासही जे देती सामर्थ्य
'उपासनेला दृढ चालवावे' सांगत |
मठ स्थापनेतूनी जे साधती परमार्थ ||
साहित्यरचनांतूनी बोध देत |
दासबोधातूनी जे समजावती जीवनार्थ |
मनाची शते सांगूनी खणखणीत |
महाराष्ट्र धर्म जागविती जे यथार्थ ||
भाग्यच, जन्म अशा महाराष्ट्रात |
प्रणाम त्यांना जयिष्णू योगदानाप्रीत्यर्थ |
प्रेरणा घेऊन त्यांच्याकडून उपासनेची नित |
जागवूया तेज स्वतःत, स्व-विश्वकल्याणार्थ ||
|| जय जय रघुवीर समर्थ ||
©सौ. पूनम राजेंद्र.