मराठी स्वागतस्वर
साडी अशी नऊवार
काठात सुवर्णी जर
पैठणीच्या पदरात
नाचे हासरा गं मोर ||१
नथ अशी मोतीदार
भाळीची गं चंद्रकोर
मंगळसूत्राचे मणी
रोखती काळी नजर ||२
सदरा आणि धोतर
फेटा पहा आबदार
वहाणेची करकर
सुहास्ये नमस्कार ||३
अंगपिंड पिळदार
करडी असे नजर
सज्जनास दे आदर
शत्रुस ती ठेवी दूर ||४
महाराष्ट्र देशावर
शालिन तिचा वावर
सावध आणि सादर
मराठी स्वागतस्वर ||५
समृद्ध शब्दभांडार
श्रीमंती ती वाणीवर
आरं ला विचारे कारं
अंतरात ज्ञानेश्वर ||६
शब्द © सौ. पूनम राजेंद्र.
