પ્રેમપત્ર...
કાશ એક વાર એ કાગળ મને લખે ,
એની યાદ માં છે કોરી મારી આંખ..
પ્રેમ નામનો વાદળ લખી ને મોકલે.. કાશ એક વાર એ કાગળ મને લખે..
હોય ભલે સાવ ઝાંઝવા સમુ,
આંસુ ના બહાને એક છળ લખી ને મોકલે..
કાશ એક વાર એ કાગળ મને લખે...
ફૂલ ભલે ન હોય કાગળ માં..ઝાકળ જેવું સ્મિત એક મોકલે..
કાશ એક વાર એ કાગળ મને લખે...
એની યાદો ના સહારે બેઠી છું વિરહ ના અંધકાર માં,
ભલે પલભર નું મિલન લખી ને મોકલે..
કાશ એક વાર એ કાગળ મને લખે...
પારુલ ઠક્કર "યાદે"