હું જ છું.
સુખના સાથી થવા તો સૌ કોઈ આવશે ,
દુઃખમાં હાથ પકડનાર તો હું જ છું.
રૂપને વરો ભલે તમે અંજાઈ એની ચમકથી,
ગુણોને વરેલ હંમેશ શ્રેષ્ઠ તો હું જ છું.
મૃગજળને માનો છોને તમે અમૃત સમ ,
વૈશાખની તરસ છીપાવનાર કૂવાનું પાણી તો હું જ છું.
લાલ જાજમ પર ચાલવા તો સૌ કોઈ સાથે થઈ આવે,
કાંટાળી કેડી પર સાથે રહેલ તો હું જ છું.
ભરેલ ખિસ્સાથી ખેંચાઈ આવે ભલે કોઈ,
ખાલી ખિસ્સાને ભરનાર તો હું જ છું.
નહીં જ ભૂલી શકો મને પ્રિયે,
દેહથી પર આત્માને ચાહનાર તો હું જ છું.
દીક્ષા પંડયા જલ્પેશ પટેલ ,ડાકોર