લેખાંજોખાં
મળે છે ખૂબસૂરત પળ તમન્ના હર પ્રહર છે,
વિલક્ષણ સમયે પુરાવા જિંદગીમાં પ્રખર છે.
અમીર કે ગરીબ ઘાવ સરખાં હોય સંવેદનાથી,
ઉપવન ખીલશે રણમાં ક્યારે એ જ નજર છે.
નજર શોધે પગથારે કંટકો દૂર કરવા નખશિખ,
પર્યાય બીજો કોઈ મળ્યો નહીં એ અસર છે.
ભીતરે પ્રસરેલી ભીની કૂંપળો આંખે અશ્રુથી,
પળેપળે એકાકાર થઈને પ્રતિબિંબ ઉપર છે.
કાબેલિયત પુરવાર આખરે કોઈ કારણથી,
કરી 'શ્રીકૃપા'હ્રદયથી લેખાંજોખાંની ખબર છે.
દીપ્તિ પટેલ'શ્રીકૃપા'
વડોદરા.