માગું છું...
માગું છું...
સુવાસ ફૂલોની ભીતર ભરવા માગું છું;
બની લહેરખી પવનની ડાળ યાચું છું.
રસ્તાઅો પહાડો વચ્ચેથી કરવા માગું છું;
મળવા મંજિલને નક્કર આશ ચાહું છું.
કિનારાઓ પાસ ઊભેલી હા નાવ માગું છું;
તોફાનો સાગરમાં હો ભલે તરી જાણું છું.
મળવા જાગ્રત સ્વપ્ન સાચ રોજ માગું છું;
ભ્રમની દુનિયા છોડી સતને પારખું છું.
પરેશાનીઓમાં બસ તારો સાથ માગું છું;
લાગણીઓ જીવનમાં બેહિસાબ રાખું છું.
જીવવાની આશ ક્યાં હું હરપળ માગું છું;
સોનેરી કિરણોના કણ કણમાં શ્વસું છું.
