એક મોટું શહેર...
એક શહેર છે મોટું, રસ્તાઓ જ મોટા છે;
સીક્કાનાં નથી સિક્કા, અહીં બંડલ મોટા છે;
કેટલો દોડશે માણસ, માણસ માણસ નથી રહ્યો...
બાળક ચા આપે છે, પીએ એ મોટા છે....
અહીં સવાર પડે છે, ધરમનાં નામ લઈને;
દિવસ આખો કામ કરે, ધરમનાં નામે લઈને;
એ પાછો ના પડે ક્યારેય કોઈને છેતરવામાં...
અહીં ધંધા મોટા છે, ધંધા ખોટા છે...
એક શહેર છે....
રાંધે છે ગરમ બધુ, ખાવા ટાણે ટાઢું છે;
મરણનો મલાજો નહિ, થોડીવાર માઠું છે;
રાત-દિવસ રૂપિયા પાછળ દોટ મૂકે છે...
સબંધ સુંવાળા રાખે પણ, અંદરથી ખાટા છે...
એક શહેર છે...
પ્રસંગ ટાણે આવી જાય, ઓચિંતા મુલાકાતે;
તમે સ્નેહી અમારા છો, મોણ નાંખે એ વાતે;
હાજરી આપો તો ફેલાશે અમારી સુવાસ...
કામ કઢાવવું કેમ, એની અલગ છટા છે...
એક શહેર છે...
- તુષાર નં. જેઠવા (સાવરકુંડલા, અમરેલી)
Email ID.:-
tusharwithsai@gmail.com
