વેદના
વેદના
વધુ નથી બદલ્યો હું, થોડા દિવસો વિત્યાની વાત છે.
હતા આપણે, હવે હું, હું થયો ને તું, તું થયાની વાત છે.
વેરાન રણના વગડામાં એક વાદળ વરસવાની વાત છે.
વિરહની વેદના કેટલી ? બસ એક મિલનની વાત છે.
આંખ ભીની તો થઈ નહીં, બસ હૃદયના રુદનની વાત છે.
જાણું છું અસંભવ છે પામવું, બસ એક ચમત્કારની વાત છે.
સમાજના દંભમાં શુ જીવવું, બધા માટે વ્યંગ સભર વાત છે.
બસ જાણે છે માત્ર બે જ લોકો, કે સંપૂર્ણ જીવનની વાત છે.
- વિજય શિહોરા ‘સચેત'