પ્રેમની મંજિલ
શીર્ષક :- "પ્રેમની મંજિલ"
મારી મંજિલ આજે તારા હ્રદય સુધી લઈ આવી ,
ભોમિયો બન્યો એ રાહનો ને તું દિશા થઈ આવી !
જિંદગીની સફર એવી શરૂ થઈ એક તારા પ્રેમથી ,
એ પ્રેમની વાતથી તું તો મારી પ્રેયસી બની આવી !
પકડ્યો આજે તારો હાથ જીવનની દરેક ક્ષણોમાં ,
દુઃખની દરેક ક્ષણે એક હિમ્મત મને મળી આવી !
જોયું એક સ્વપ્ન આજે તારી સંગ મેં તો જીવનનું ,
એ જીવનન ની રાહ બની તું ખુદ મને કહી આવી !
પહેલ કરી આજે જીવનમાં આપણા પ્રેમની મેં તો ,
મારા સંગ તું , આપણા પ્રેમની ઝાંખી કરી આવી !
પ્રેમ આપણો રાધા ને ક્રિષ્ના જેવો જ બની રહ્યો ,
"સ્વપ્ન રાહ"ની તું ખુદ એક મંજિલ બની આવી !
કિશન પટેલ "સ્વપ્ન રાહ".
સુરત.
