પહેલો વરસાદ
મળી મને માવઠાની માફક બસ બે ઘડી,
ચોરી થઈ ગયું દિલ મારુ બસ એ ઘડી.
ચમકારો થયો એક વીજળીનો,
અપલક થયો હું બે ઘડી.
પળ સરી ન જાય એ ગફલતમાં,
બેબાકળો થયો હું બે ઘડી.
મળી મને માવઠાની માફક બસ બે ઘડી,
ચોરી થઈ ગયું દિલ મારુ બસ એ ઘડી.
કોરું તન પણ ભીંજાયું મન,
જોઈ તેને બે ઘડી.
ભીંજાતા જ્યારે આંખો મળી,
વીંધાયું દિલ એ ઘડી.
મળી મને માવઠાની માફક બસ બે ઘડી,
ચોરી થઈ ગયું દિલ મારુ બસ એ ઘડી.
વાદલડી તું ના રોકાજે,
વરસ્યા કર તું અબઘડી.
શુ ખબર એ રોકાઈ જાય?
ભીંજાવા સાથે બે ઘડી.
મળી મને માવઠાની માફક બસ બે ઘડી,
ચોરી થઈ ગયું દિલ મારુ બસ એ ઘડી.
બંજર આ દિલની ધડકનને,
મળ્યો પહેલો વરસાદ.
શુ મળશે એ અનરાધાર?
કે પછી ઝાપટું બસ બે ઘડી?
મળી મને માવઠાની માફક બસ બે ઘડી,
ચોરી થઈ ગયું દિલ મારુ બસ એ ઘડી.
