મહોરું
મહોરું
******
સાવ જ રહી જવાયું છે ભીતરથી કોરું,
આ ભીનાશનું ખસ્યું જો સહેજ મહોરું..
ચાડી ખાય આંખો વરસીને હંમેશા,
હૃદય સુધી શું લંબાતું હશે કોઈ બાકોરું ?
આષાઢી ક્ષિતિજે પણ ખાલીપો ડોકાય,
લખ્યું હો જાણે કોઈએ લકીરોમાં રણ ખોરું..
ઝરમરનો બોજ લઈને વાદળ ફરે એકલવાયું,
માગે જગત સાગર ને એ વરસે સાવ ફોરું ફોરું..
પહેલો હો કે છેલ્લો તોય ધરાનું મન રહ્યું કોરું,
ને પછી ચડાવ્યું એણે લીલીછમ ચૂંદડીનું મહોરું..
