આગમન
આગમન
ઝરમર તારું આગમન મને બનાવી ગયું,
ભીતર ભરેલા સપનાઓને હા જગાવી ગયું...!
મન ભીતરની છુપી લાગણીઓને તન મહી;
મંદ મંદ વાયરા સંગે સરર ડોલાવી ગયું...!
સુકેલી ડાળીઓના મૂળે જઈ હળવે રહીને;
મીઠેરી જળની ધાર કરી પ્રાણ પુરાવી ગયું ...!
મૃગજળની માયામાં સપડાયેલા હર કોઈને;
અમી રસની હેલી કરીને તૃપ્તિ અપાવી ગયું...!
ચહુકોર ટહુકાર કરી આભે અટારી સંગે;
મયૂર નુપૂર રણકાર કરી નચાવી ગયું...!
વ્યાપેલ અગનથી ભરેલ તનયૌવન સાથ;
ઊર્મિ ઉરની ભરેલી આજ જોને બુજાવી ગયું...!
વરસ્યો એ અનરાધાર આભલાની પાર આજ;
સંઘરેલ સ્મરણમાં ખાસને મલકાવી ગયું...!
