ક્યાં સમજ છે?
આંખ આજે મારી કેમ ફરફરે છે?
કંઈક સારું નરસું થવાનું સૂચવે છે.
સાચાં ખોટાંની મને ક્યાં સમજ છે?
ભરચોમાસે ય આંખોમાં તું વસે છે.
દિલમાં ભડાશ કેટલી એ ખબર છે?
સ્મિત રેલાય એને જ દુનિયા જુએ છે.
જીવનનાં રંગોની કોઈને જાણ છે?
છતાં કલ્પનામાં તો સહુયે જીવે છે.
વરસાદી વાદળે અજવાળું જોયું છે?
મનમૂકીને વરસાદને તોય તું પીવે છે.
નસીબનું બદલાશે પત્તું એ ખબર છે?
બંધ મુઠ્ઠીએ તોય માનવી રોજ જીવે છે.