तारी ज्ञाना I
*
तारी "ज्ञाना"*
( अभंग )
महती नामाची |कळो माझ्या मना
वेगळी कामना | नको चित्ता ॥१॥
नाम मुखी राहो | राहो सदा मनी |
विकल्प जो मनी | होवो दुर ॥२॥
शुद्ध व्हावे मन | शुद्ध आचरण |
असे पुण्य स्थान | गुरू भावे ॥३॥
पुण्याचा संचय | सच्छील वर्तन |
असे काया मन | गुरुप्रिय ॥४॥
गुरू भेट होणे | लाभणे दर्शन I
गुरू मनी स्थान | भाग्यवंता ॥५॥
वाटे ऐसे भाग्य |मना लाभो कधि l
गुरु पायी कधि I मिळो स्थान॥६॥
माझे सर्व काही Iठाऊक तुम्हालाl
तुम्हीच साक्षिला |कृत्याकृत्ती॥७॥
मनी माझ्या भाव|भक्तीचा तुझ्याच
"प्रदिपा" सदैव |तारी "ज्ञाना" ॥८॥
....... प्रदिप राजे
माणिकनगर
२२ / ०८ / २०२१