હરિ તું છે મારો શ્યામ ...!!
હરિ તું છે મારો શ્યામ ...!!
તને કહું ઘનશ્યામ પણ હરિ તું છે મારો શ્યામ,
હે મારા દિલના રૂપાળા ધનશ્યામ, તું ક્યાં છે !
દરેક ગામે તારા વસવાટનાં છે ચાર ચાર ધામ,
શોધ્યો બધે પણ મળતો નથી તું એકેય ગામ !
મારે દોરવું છે તારું આ ફરિયાદે અનેરું ધ્યાન,
સત્ય લોપાય છે ને જુઠા પૂજાય મારા શ્યામ !
આ માનવ સૃષ્ટિની રચનાને લાગ્યો છે જુઠો રંગ,
તેની સુધારણા શણગારવા બેસવું છે તારે સંગ !
'મૃદુ' ના મનમાં ઘુમરાય સદા આજની આ વ્યથા,
કાળ સંગે પલટાઈ ગયેલા માનવ તણી આ કથા !
*****************************************
મહેન્દ્ર રમણભાઈ અમીન 'મૃદુ', સુરત (વીરસદ)
*****************************************