ચાલ!થોડું ખુદને વ્હાલ કરીએ!
ચાલ ! થોડું ખુદને વ્હાલ કરીએ
ચાલ ! થોડું ખુદને વ્હાલ કરીએ
દુનિયાને ભૂલી,ખુદનો ખ્યાલ કરીએ
ચાલ ! થોડું ખુદને વ્હાલ કરીએ
ખુશી જોઈ બીજાની ! ક્યાં સુધી ખુશ થાવાનું!
ગમતા રહી બીજાને ! ક્યાં સુધી એવા થાવાનું!
ફિકર એ સઘળી ભૂલી,
ચાલ ! થોડા ખુદને ખુશ કરીએ
ચાલ ! થોડું ખુદને વ્હાલ કરીએ
જ્યાં સુધી જીવીએ ! બીજાને માટે જીવવાનું !
પોતાનીય ફિકર નહિ ! એમ કયા સુધી રહેવાનું!
બહુ જીવી લીધું બીજા માટે,
ચાલ ! થોડા ખુદને માટે જીવીએ
ચાલ ! થોડું ખુદને વ્હાલ કરીએ
'સ્નેહી' સાચો તારી ભીતર જ છે ! બીજે ક્યાં શોધે !
સ્નેહ થોડો આપ એને ! બહાર ક્યાં સુધી વહેંચે
બીજા માટે તો બહુ કીધું !
ચાલ ! આજે ખુદને love you કહીએ
ચાલ ! થોડું ખુદને વ્હાલ કરીએ
રચયિતા-અશોક પેથાણી 'સ્નેહી'
