બેહદ છતાં હદમાં રહે..
બેહદ છતાં હદમાં રહે..
આગળ વધે પાછળ ઘટે,
સંતાકૂકડી એ પણ રમે,
બેહદ છતાં હદમાં રહે..
વલખાં મારીને થાકે,
ભરતી અને ઓટ લાવે,
બેહદ છતાં હદમાં રહે..
અંદર ઊંડો એ બને,
કિનારે છીછરો રહે,
બેહદ છતાં હદમાં રહે..
થાકી ફીણ-ફીણ બને,
છતાં નવપલ્લવિત રહે,
બેહદ છતાં હદમાં રહે...
સૂરજ સંગ તપતો રહે,
સંગ એ ચમકતો રહે,
બેહદ છતાં હદમાં રહે...
મોટાં-મોટાં જહાજ વહાવે,
તોય એ કદી ના થાકે,
બેહદ છતાં હદમાં રહે.
વિશાળતાનું રૂપ ધરીને,
આભમાં વાદળ બને,
બેહદ છતાં હદમાં રહે.
જીવજંતુઓ એમાં રહે,
મુક્ત બની વિહરે,
બેહદ છતાં હદમાં રહે.
પૂર્વી પટેલ. ⚘????
