આશીર્વાદ મળ્યો
વારમાં તહેવાર ભળ્યો, પરિવારમાં ઉમંગ વળ્યો,
માળિયે ચઢી જોયું મેં, અહમનો પિટારો મળ્યો.
ચાર રસ્તે જઈ ફેંકી આવ્યો, ઘરમાં કકળાટ ટળ્યો,
જોયું મેં એકબીજા સામે, સુંદર હસતો અરીસો મળ્યો.
ફટાકડા સાથે વ્હેમને ફોડ્યા, મનમાં અનેરો આનંદ મળ્યો,
તારું મારું છોડી આપણું કહેતા, પોતાનાનો અહેસાસ મળ્યો.
ને એમાં પણ અહીં બેસ કહેતા, યાદોનો ખજાનો મળ્યો,
સામસામે જોતા વગર સીઝને, લાગણીનો વરસાદ મળ્યો.
પરિવારની મોજ સાથે પ્રભુનો પ્રસાદ મળ્યો,
નમી જતા ઊંચાઈને આંબવાનો આશીર્વાદ મળ્યો.
-
નામ - રોનક ચંદ્રકાન્તભાઈ જોષી.
ઉપનામ - "રાહગીર".
ગામ - ઉંટવા.
